சுந்தர ராமசாமி படைப்புலகம்
ராஜமார்த்தாண்டன் கலைஞன் பதிப்பகம் வெளியீடு சுந்தர ராமசாயின் படைப்புலகை நேர்த்தியாக அறிமுகப்படுத்தும் நூல் இது. சு.ரா.வின் தேர்ந்தெடுக்கப்பட்ட சில சிறுகதைகள், நாவல்களின் சில பகுதிகள், சில கவிதைகள், கட்டுரைகள், உரைகள் ஆகியவற்றைக் கொண்டுள்ள இந்த நூல், பல தளங்களில் இயங்கிய சுந்தர ராமசாமியின் எழுத்தின் வீச்சை வாசகர்களுக்கு அறிமுகப்படுத்துகிறது.
இந்திய இலக்கியச் சிற்பிகள்
சுந்தர ராமசாமி,அரவிந்தன் சாகித்திய அகாதெமி வெளியீடு சுந்தர ராமசாயின் வாழ்வையும் இலக்கியத்திற்கும் மொழிக்கும் அவர் செய்த பங்களிப்பையும் விரிவாகக் கூறும் நூல் இது. சு.ரா.வின் படைப்புலகம் குறித்த விரிவான அலசல்கள் இதில் உள்ளன. சு.ரா.வின் ஆளுமையைப் பற்றிய பகுதியும் இந்நூலில் இடம்பெற்றுள்ளது. அவருடைய ஆளுமைக்கும் இலக்கியச் செயல்பாடுகளுக்கும் இடையிலுள்ள உறவையும் இந்நூல் சுட்டுகிறது.
சுந்தர ராமசாமியின் கவிதைக் கலை
ராஜமார்த்தாண்டன் காலச்சுவடு வெளியீடு கவிஞரும் விமர்சகருமான ராஜமார்த்தாண்டன் சுந்தர ராமசாமியின் கவிதைகள்மீதான தன்னுடைய வாசிப்பனுபவத்தைப் பகிர்ந்துகொள்கிறார். சு.ரா.வின் கவிதைகளைப் பற்றிய விரிவான சித்திரங்களை இந்நூலில் காணலாம். கவிதையியல் குறித்த நூல் என்ற முறையிலும் இது முக்கியத்துவம் வாய்ந்தது.
ஒளியில் வடியும் படிமம்
புதுவை இளவேனில், அரவிந்தன் சுந்தர ராமசாமியின் புகைப்படங்கள், அவருடைய சிந்தனைத் தெறிப்புகள் ஆகியவற்றின் தொகுப்பு. புகைப்படங்கள் சு.ரா.வின் சிந்தனைகளின் காட்சிப் படிமங்களாக உருக்கொள்ளும் அனுபவத்தை இந்தப் புகைப்பட – சிந்தனைத் தொகுப்பில் காணலாம்.
